ई–आर्थिक, बाग्लुङ । बाग्लुङ नगरपालिका–३ गुठीमा रेष्टुराँ सञ्चालन गरी बस्दै आएका ओखलढुङ्गाका ४४ वर्षीय रामचन्द्र भट्टराई तीन दिनदेखि बेपत्ता भएका छन् ।
बागलुङ जिल्ला सदरमुकामस्थित बागलुङ बजारको गुठीमा लामो समयदेखि गौरीशङ्कर रेष्टुराँ सञ्चालन गर्दै आएका सरल प्रकृतिका भट्टराई बजारदेखि नै बेपत्ता भएको उनकी छोरी सृष्टिले जानकारी दिइन् ।
भट्टराई हराएको भनी प्रहरीमा जानकारी गराइएको छ । खोजीका लागि सबैलाई सहयोग गर्न सृष्टिले आग्रह गरेकी छिन् । रेष्टुँरा सञ्चालक भट्टराईलाई भेटेमा मोबाइल नं ९८६७६८४१७७ र ९८४५५३३६६२ मा सम्पर्क गरिदिन आग्रह गरिएको छ ।
-रासस