मृत्यु हुनेको संख्या पनि २६ पुग्यो
ई–आर्थिक, काठमाडौं । नेपालमा थप ४३४ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयले बिहीबार आयोजना गरेको नियमित मिडिया ब्रिफिङमा प्रवक्ता डा. जागेश्वर गौतमले गएको २४ घन्टामा ४३४ जनामा संक्रमण पुष्टि भएको जानकारी दिए ।
विभिन्न जिल्लामा गरी आज थपिएका सो संख्यासँगै नेपालमा कुल कोरोना संक्रमितको संख्या ११ हजार १६२ पुगेको छ ।
त्यसैगरी कोरोनाबाट संक्रमित भएर मर्नेको संख्या पनि बढेको छ । मन्त्रालयले दिएको जानकारी अनुसार कोरोना भाइरस कोभिड–१९ को संक्रमणबाट हालसम्म २६ जनाको मृत्यु भइसकेको छ ।
बितेको २४ घण्टामा १९ महिला र २९३ पुरुष गरी ३१२ जना संक्रमित निको भएको पनि गौतमले जानकारी दिए ।