मंगलबार, भदौ १०, २०७६, नयाँ दिल्ली-अर्बपतिको संख्याका आधारमा भारत तेस्रो ठूलो देश भएको छ र आगामी वर्षहरुमा पनि यो अवस्था रहिनै रहने छ । आगामी ८ वर्षको अवधिमा भारतमा अर्बपतिको संख्यामा दोब्बरले वृद्धि हुने अपेक्षा गरिएको छ । पहिलो स्थानमा अमेरिकानै रहेको छ ।
अफ्रेसिया बैंक ग्लोबल वेल्थ माइग्रेसन रिभ्यूका अनुसार यो सूचीमा अमेरिका र भारतका अलावा चीन पनि समावेस छ । चीन दोस्रो स्थानमा रहेको छ । भारतमा २३८ अर्बपति बढ्ने अपेक्षा गरिएको छ । जबकी अमेरिकामा २०२७ सम्ममा ८८४ थप र चीनमा ४४८ अर्बपति बढ्ने अनुमान लगाइएको छ । पुरै विश्वमा हाल २ हजार २३५२ अर्बपति रहेका छन् । आगामी केही वर्षको अवधिमा यसको संख्या ३ हजार ४४४ हुने अपेक्षा गरिएको छ ।
१ अर्ब डलरसम्मको सम्पत्ति भएकालाई अर्बपतिको दर्जा दिइएको छ । अमेरिका, चीन तथा भारतका अलावा बेलायतमा ११३ ,जर्मनीमा ९० तथा हङकङमा ७८ अर्बपतिको संख्यामा वृद्धि हुने रिपोर्टमा उल्लेख गरिएको छ ।
अर्बपतिको सम्पत्तिका आधारमा भारत छैठौ धनी देश भएको छ । यो मुलुकमा अर्बपतिको सम्पत्ति ८२ खर्ब ३० अर्ब डलर रहेको छ । अमेरिकाका अर्बपतिसँग ६२५८४ अर्ब डलरको सम्पत्ति रहेको छ ।
चीनका अर्बपतिसँग २४८०३ अर्ब डलरको सम्पत्ति रहेको छ । तेस्रो स्थानमा जापान विराजमान रहेको छ । यो मुलुकका अर्बपतिको सम्पत्ति १९५२२ अर्ब डलर रहेको छ ।
एजेन्सी