काठमाडौं । ब्यायज युनियन क्लबको प्राङ्ग्णमा हड्डी तथा मेरूदण्ड सम्बन्धि एक दिने निःशूल्क स्वास्थ्य शिविर सम्पन्न भएको छ ।
उक्त शिविरबाट हड्डी तथा मेरूदण्ड सम्बन्धि २०० भन्दा बढी विरामीले निःशूल्क जाँचको सेवा लिएका थिए ।
विरामीहरुलाई जाँच्नको लागि भारतको चेन्नाईबाट अस्ट्र अर्थो एन स्पाइन सेन्टरका सिनियर कन्सल्ट्यान्ट डा. एस. एस. कुमारलाई ल्याइएको थियो । स्थानीय समाजसेवी तथा विश्व निकेतन स्कूलका अध्यक्ष गोपाल श्रेष्ठको पहलमा ती डाक्टरलाई नेपाल ल्याइएको थियो । उनी अर्थो तथा स्पाइन सम्बन्धि भारतमा नाम चलेको विज्ञ डाक्टरको रुपमा चिनिनुहुन्छ ।
लायन्स क्लब अफ काठमाडौं, त्रिपुरेश्वर, त्रिपुरेश्वर टोल सुधार तथा विकास समिति र व्यायज युनियन क्लब त्रिपुरेश्वरको संयुक्त आयोजनामा सो शिविर सम्पन्न भएको हो ।
यी तिनै संस्थाले विभिन्न समयमा विविध प्रकृतिको स्वास्थ्य शिविर राख्दै आएका छन् । यसपटक भने हड्डी तथा मेरुदण्ड सम्बन्धि स्वास्थ्य शिविरको आयोजना गरिएको थियो । यसअघि काभ्रेको नाल्दुममा पनि निःशूल्क स्वास्थ्य शिविरको आयोजना गरिएको थियो । सिन्धु पोलिक्लिनिक सँग सहकार्य गरेर गरिएको उक्त शिविरमा निःशूल्क औषधी समेत वितरण गरिएको लायन्स क्लब अफ काठमाडौं त्रिपुरेश्वरका अध्यक्ष सुरेन्द्र श्रेष्ठले जानकारी दिनुभयो ।
हड्डी तथा मेरूदण्ड सम्बन्धि समस्याका रोगीहरु बढिरहेकाले त्यसैसँग सम्बन्धित विज्ञ डाक्टरलाई ल्याई यो निःशूल्क स्वास्थ्य शिविरको आयोजना गरिएको समाजसेवी गोपाल श्रेष्ठले जानकारी दिनुभयो ।