२ साउन, काठमाडौं । सोमबार नेप्सेमा उच्च बृद्धि देखिएको छ । आज नेप्से २०.५८ अंकले बढेर १६०४.१५ अंकमा पुुगेको छ ।
यो दिन कारोबारमा आएको कुुल १५४ कम्पनीहरुको छ हजार छ सय ३५ पटकको कारोवारमा २० लाख १२ हजार चार सय १५ कित्ता सेयर खरिद बिक्री हुँदा कारोवार रकम ६९ करोड ४३ लाख ६९ हजार चार सय ३५ रुपैयाँ पुुगेको छ । आज सबै समुहको कारोवार सुचक बढेपछि नेप्से पुरै हरियो भएको छ ।
यो दिन सबै भन्दा बढी बीमा समुहको सुचक ९५.३५ अंकले बढेको छ । बाँणिज्य बैंक समुहको सुचक २१.८३ अंकले, बिकास बैंक २९.५७ र जलबिद्युुत ९.१८ अंकले बढेको छ ।
त्यस्तै होटल, फाईनान्स, उत्पादनमुुलक र अन्य समुहको सुचक क्रमश: २६.३९, ५.२३, २७.०४, १.१६ अंकले बढेको छ ।
आज बढी कमाउने कम्पनीको सुचीमा हिमालयन डिष्ट्रिलरी प्राली परेको छ भने बढी गुमाउने कम्पनीको सुचीमा कुुवेर मर्चेन्ट फाईनान्स परेको छ । रकम कारोवारका आधारमा भने आज फरवार्ड कम्युनिटी माईक्रो फाईनान्स अग्रस्थानमा परेको छ ।