९ असार, काठमाडौंँ । दोश्रो चरणअन्तर्गत स्थानीय तहको निर्वाचन हुने प्रदेश नं. १, ५ र ७ मा यही असार १४ गते सरकारले सार्वजनिक बिदा दिने निर्णय गरेको छ ।
मन्त्रिपरिषद्को बिहीबार बसेको बैठकले निर्वाचन आयोगको सिफारिस अनुसार मतदान हुने दिन सार्वजनिक विदा दिने निर्णय गरेको हो । प्रदेश नम्बर १, ५ र ७ मा १४ गते मतदान हुँदैछ ।
यस्तै तीन वटा प्रदेशमा असार ११ देखि १४ गतेसम्म चार दिन शिक्षण संस्थाहरुमा विदा दिइएको गृह मन्त्रालयले जनाएको छ । निर्वाचन आयोगले यसअघि नै सरकारलाई १४ गते सार्वजनिक विदा दिन र शिक्षा मन्त्रालयलाई निर्वाचन हुने प्रदेशमा चार दिन शिक्षण संस्था विदा दिने व्यवस्था मिलाउन पत्राचार गरेको थियो।
