३१ वैशाख, काठमाडौँ । काभ्रेपलाञ्चाकको नमोबुद्ध नगरपालिका– ४ नं वडाबाहेक पहिलो चरणको निर्वाचन भइरहेका सबै मतदान केन्द्रमा मतदान भइरहेको छ ।
आयोगका सचिव गोपीनाथ मैनालीले शनिबार राति अज्ञात समूहले नमोबुृद्धनिवासी नवराज पाठकको हत्या गरेको घटनाका कारण सो वडाको मतदान स्थगन गरिएको जानकारी दिनुभयो ।पर्वतको पीपलटार, रामेछापको दोरम्बा, दोलखाको दुप्तेश्वर, सुनकोसी लगायत ठाउँमा मतदानका क्रममा केही विवाद उत्पन्न भए पनि मतदान जारी रहेको बताइएको छ । रासस