ई–आर्थिक, काठमाडौं । नयाँ पाठ्यक्रम लागू नगर्न भन्दै परेको रिट सर्वोच्चले खारेज गरिदिएको छ । सर्वोच्चको यो निर्देशनात्मक आदेशसँगै विद्यालय तहको नयाँ पाठ्यक्रम लागू गर्न बाटो खुलेको छ । अब विद्यालय तह (कक्षा १ देखि १२ सम्म) नयाँ पाठ्यक्रम लागू नगर्न भन्दै परेको रिट खारेज गरि दिएसँगै अब नयाँ पाठ्यक्रम लागू गर्न बाटो खुला भएको हो ।
न्यायाधीश तेजबहादुर केसी र प्रकाशनकुमार ढुङगानाको इजलासले सो रिट खारेज गर्ने निर्देशनात्मक आदेश दिएको हो ।
यस अघि नयाँ पाठ्यक्रम लागू गर्न रोक लगाउने माग गर्दै भागवत अर्याल लगायत सात जनाले रिट दायर गरेका थिए । उक्त रिट खारेज भएसँगै विद्यालय स्तरमा चरणवद्धरूपमा नयाँ पाठ्यक्रम अनुसार पढाउने वा पुरानो भन्ने अन्यौल अन्त्य भएको छ ।