२ असार, काठमाडौं । लमजुङको बेसीसहरमा केन्द्रीय कार्यालय रहेको रिलायबल माइक्रोफाइनान्स वित्तीय संस्थाले ५० प्रतिशत हकप्रद सेयर बिक्री गर्ने अनुमति पाएको छ ।
नेपाल धितोपत्र बोर्डले रिलायबललाई २:१ अनुपातमा १०० रुपैयाँको दरले २ लाख ८२ हजार ५०० कित्ता हकप्रद सेयर जारी गर्न स्वीकृति दिएको हो । कम्पनीले हकप्रदमा बिक्री प्रबन्धकमा सिभिल क्यापिटल मार्केटलाई नियुक्त गरेको छ ।
हाल कम्पनीको चुक्ता पुँजी ५ करोड ६५ लाख रुपैयाँँ रहेको छ । चालु आर्थिक वर्षको तेस्रो त्रैमासमा कम्पनीले १ करोड १ लाख ७७ हजार रुपैयाँ खुद नाफा कमाएको छ ।