काठमाडौं । नेपाली बजारमा सुनचाँदीको मूल्यमा उल्लेख्य गिरावट देखिएको छ।
नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला १२ हजार ५ सय रुपैयाँले घट्दै २ लाख ८२ हजार रुपैयाँमा झरेको हो। यसअघि शुक्रबार सुन प्रतितोला २ लाख ९४ हजार ५ सय रुपैयाँमा कारोबार भएको थियो।
त्यसैगरी, चाँदीको मूल्य पनि घटेको छ। आज चाँदी प्रतितोला ३ सय ५५ रुपैयाँले सस्तो हुँदै ४ हजार ५ सय ४० रुपैयाँमा पुगेको छ। शुक्रबार भने चाँदीको मूल्य प्रतितोला ४ हजार ८ सय ९५ रुपैयाँ रहेको थियो।
यसअघि नेपाली बजारमा सुनले माघ १५ गते अहिलेसम्मकै उच्च मूल्य कायम गरेको थियो, जहाँ प्रतितोला ३ लाख ३९ हजार ३ सय रुपैयाँमा कारोबार भएको थियो। त्यस्तै, सोही दिन चाँदी पनि उच्च बिन्दुमा पुग्दै प्रतितोला ७ हजार ५ सय ५ रुपैयाँमा किनबेच भएको थियो।