सुनचाँदीको मूल्य आज पनि घट्यो, कतिमा हुँदैछ कारोबार ?

काठमाडौं । स्थानीय बजारमा सुनचाँदीको मूल्य आज पनि घटेको छ। आज सुन प्रतितोला ५ हजार ४०० रुपैयाँले घट्दा चाँदी १४० रुपैयाँले सस्तो भएको हो।

नेपाल सुनचाँदी व्यवसायी महासङ्घका अनुसार आज छापावाल सुनको मूल्य प्रतितोला ३ लाख २ हजार ३०० रुपैयाँ कायम भएको छ। त्यस्तै चाँदी प्रतितोला ५ हजार १० रुपैयाँमा कारोबार हुँदै छ।

बुधबार छापावाल सुन प्रतितोला ३ लाख ७ हजार ७०० रुपैयाँ र चाँदी ५ हजार १५० रुपैयाँमा कारोबार भएको थियो। त्यस्तै गत मंगलबार सुन प्रतितोला ३ लाख ९ हजार ९०० रुपैयाँ र चाँदी ५ हजार ३३५ रुपैयाँमा कारोबार भएको थियो।

अन्तर्राष्ट्रिय बजारमा पनि आज सुन र चाँदीको मूल्य घट्दो क्रममा रहेको छ।