काठमाडौं । नेपाली बजारमा सोमबार सुनको मूल्य सामान्य रूपमा बढेको छ भने चाँदीको मूल्य भने घटेको छ।
नेपाल सुनचाँदी व्यवसायी महासंघका अनुसार आइतबार प्रतितोला ३ लाख ९ हजार ४ सय रुपैयाँमा कारोबार भएको सुनको मूल्य सोमबार १ सय रुपैयाँले बढेर प्रतितोला ३ लाख ९ हजार ५ सय रुपैयाँ पुगेको छ।
यता चाँदीको मूल्य भने केही घटेको छ। आइतबार प्रतितोला ५ हजार २ सय ७० रुपैयाँमा कारोबार भएको चाँदी सोमबार ५ रुपैयाँले घटेर प्रतितोला ५ हजार २ सय ६५ रुपैयाँमा झरेको महासंघले जनाएको छ।
नेपाली बजारमा यसअघि गत माघ १५ गते सुनले हालसम्मकै उच्च मूल्य कायम गरेको थियो। उक्त दिन सुन प्रतितोला ३ लाख ३९ हजार ३ सय रुपैयाँमा कारोबार भएको थियो।
त्यस्तै चाँदीको मूल्य पनि सोही दिन उच्च विन्दुमा पुगेको थियो। माघ १५ गते चाँदी प्रतितोला ७ हजार ५ सय ५ रुपैयाँमा कारोबार भएको तथ्यांक रहेको छ।