स्थानीय अर्थतन्त्र र कनेक्टिभिटी रूपान्तरणतर्फ
काठमाडौं । नेपालमै विकास गरिएको एआई–सञ्चालित एकीकृत डिजिटल प्लेटफर्म ग्लोबल डायरी औपचारिक रूपमा सार्वजनिक गरिएको छ। सामाजिक सञ्जाल, व्यवसाय सूची, समाचार, रोजगारी र कार्यक्रमसम्बन्धी सेवाहरूलाई एउटै सुरक्षित तथा भेरिफाइड प्रणालीमा समेट्दै यसले डिजिटल सेवाको विखण्डन अन्त्य गर्ने लक्ष्य राखेको जनाएको छ।
कम्पनीका अनुसार हाल प्लेटफर्ममा करिब ३ लाख ५० हजार प्रयोगकर्ता आबद्ध छन्। भेरिफाइड प्रोफाइल, सक्रिय सहभागिता र सुरक्षित डिजिटल वातावरणमार्फत प्रयोगकर्तालाई विश्वसनीय सेवा उपलब्ध गराइएको दाबी गरिएको छ।
प्रयोगकर्ता र व्यवसाय दुवैका लागि सुविधा
ग्लोबल डायरीमार्फत प्रयोगकर्ताले आफ्नै डिजिटल पहिचान निर्माण गर्न, भेरिफाइड सेवा तथा व्यवसाय खोज्न, रोजगारी र फ्रीलान्स अवसर पाउन, सीप प्रवर्द्धन गर्न तथा स्थानीय कार्यक्रमहरूसँग जोडिन सक्ने सुविधा पाउनेछन्।
त्यसैगरी साना तथा मझौला व्यवसाय (SMEs) ले निःशुल्क डिजिटल उपस्थिति, किफायती प्रचार–प्रसार, प्रत्यक्ष ग्राहक पहुँच, कर्मचारी भर्ना सहयोग, ब्रान्ड निर्माण तथा मार्केटप्लेसमार्फत बिक्री गर्ने सुविधा प्राप्त गर्ने बताइएको छ। यसले विभिन्न प्लेटफर्म प्रयोग गर्नुपर्ने झन्झट हटाउने विश्वास कम्पनीको छ।
एआई प्रविधि र डाटा सुरक्षा
प्लेटफर्ममा प्रयोग गरिएको एआई प्रविधिले प्रयोगकर्तालाई आवश्यक सेवा, रोजगारी र स्थानीय व्यवसाय सहजै खोज्न सहयोग गर्ने जनाएको छ। स्पाम तथा नक्कली गतिविधि न्यूनिकरणमा जोड दिइएको छ भने प्रयोगकर्ताको डाटा गोपनीयतालाई उच्च प्राथमिकता दिइएको र डाटा बिक्री नगर्ने नीति अपनाइएको कम्पनीले स्पष्ट पारेको छ।
डिजिटल समावेशीकरण र नीतिगत सहयोग
ग्लोबल डायरीले डिजिटल समावेशीकरण, स्थानीय व्यापार प्रवर्द्धन, रोजगारी तथ्याङ्क व्यवस्थापन, पर्यटन प्रवर्द्धन तथा भेरिफाइड डाटामार्फत नीतिनिर्माणमा सहयोग पुर्याउने उद्देश्य लिएको जनाएको छ। यसलाई नेपालको डिजिटल पूर्वाधार सुदृढीकरणतर्फको महत्त्वपूर्ण कदमका रूपमा प्रस्तुत गरिएको छ।
किन फरक?
कम्पनीका अनुसार अन्य सामाजिक सञ्जालहरू मुख्यतया मनोरञ्जन र सामाजिक अन्तरक्रियामा केन्द्रित हुँदा ग्लोबल डायरीले अवसर, व्यापार, स्थानीय सेवा र भेरिफाइड सामग्रीलाई प्राथमिकता दिन्छ। यसले प्रयोगकर्ताको डिजिटल समयलाई उत्पादनशील गतिविधिमा रूपान्तरण गर्ने लक्ष्य राखेको छ।
यो प्लेटफर्म विशेषगरी युवा, विद्यार्थी, रोजगारी खोज्नेहरू, फ्रीलान्सर, उद्यमी, साना तथा मझौला व्यवसाय, पेशेवर, संघ–संस्था तथा स्थानीय सेवा प्रदायकलाई लक्षित गरी विकास गरिएको हो।
आगामी दिनमा भुक्तानी प्रणाली एकीकरण, सशक्त मोबाइल एप विकास, सरकारी सहकार्य, एसएमई अनबोर्डिङ विस्तार, ग्रामीण डिजिटल पहुँच वृद्धि तथा रोजगारी र सीप विकास सेवाको थप सुदृढीकरण गर्ने योजना रहेको कम्पनीले जनाएको छ।
ग्लोबल डायरी टिमले भनेको छ, “ग्लोबल डायरी अर्को एउटा सामाजिक सञ्जाल मात्र होइन। नेपालमै निर्माण गरिएको यस प्लेटफर्मले प्रयोगकर्तालाई सर्जक, उद्यमी र अवसरका धारक बन्न सशक्त बनाउँछ। हामी सबै सञ्चारमाध्यम, व्यवसाय र नागरिकलाई यो साझा डिजिटल यात्रामा सहभागी हुन आमन्त्रण गरेबो छ ।