काठमाडौँ । नेपाली बजारमा आज सुन र चाँदी दुवैको मूल्य घटेको छ। अघिल्ला दिनहरूमा लगातार बढ्दै गएको मूल्य आज ऐतिहासिक उच्च विन्दुबाट तल झरेको हो।
नेपाल सुनचाँदी व्यवसायी महासंघका अनुसार आज सुन प्रतितोला ६ सय रुपैयाँले घटेर २ लाख ६७ हजार ५ सय रुपैयाँमा कारोबार भइरहेको छ। यसअघि बुधबार सुन प्रतितोला २ लाख ६८ हजार १ सय रुपैयाँमा कारोबार भएको थियो, जुन हालसम्मकै उच्च मूल्य हो।
यसैगरी, चाँदीको मूल्य पनि घटेको छ। आज चाँदी प्रतितोला २० रुपैयाँले घटेर ४ हजार ४ सय रुपैयाँमा किनबेच भइरहेको छ। अघिल्लो कारोबार दिनमा चाँदी प्रतितोला ४ हजार ४ सय २० रुपैयाँ पुगेको थियो, जुन हालसम्मकै उच्च स्तर मानिएको छ।
अन्तर्राष्ट्रिय बजारको उतारचढाव तथा माग–आपूर्तिको प्रभावका कारण मूल्यमा यस्तो परिवर्तन देखिएको व्यवसायीहरूको भनाइ छ।