काठमाडौँ । नेपाली बजारमा सुनको मूल्य बुधबार थप ९ सय रुपैयाँले बढेको छ। नेपाल सुनचाँदी व्यवसायी महासंघका अनुसार आज छापावाला सुन प्रतितोला २ लाख ४८ हजार ८ सय रुपैयाँमा कारोबार भइरहेको जानकारी दियो। मंगलबार सुन ५ हजार २ सय रुपैयाँले बढेर प्रतितोला २ लाख ४७ हजार ९ सय रुपैयाँमा कारोबार भएको थियो
सप्ताहको सुरुवातमा मूल्यमा उतार–चढाव देखिएको छ। आइतबार २ हजार ९ सय रुपैयाँले वृद्धि भई प्रतितोला २ लाख ४४ हजार ६ सय रुपैयाँ पुगेको सुन सोमबार भने १ हजार ९ सय रुपैयाँले घटेर २ लाख ४२ हजार ७ सय रुपैयाँमा झरेको थियो।
यस्तै, मंगलबार ३ हजार २ सय रुपैयाँमा रहेको चाँदीको मूल्य बुधबार २० रुपैयाँ बढेर प्रतितोला ३ हजार २ सय २० रुपैयाँ पुगेको महासंघले जनाएको छ।
यसअघि असोज ३१ गते सुन प्रतितोला २ लाख ५८ हजार रुपैयाँ पुगेको थियो, जुन इतिहासमै पुगेको उच्च मूल्य मानिन्छ। सोही दिन चाँदी पनि प्रतितोला ३ हजार ३ सय ५० रुपैयाँमा पुगेको थियो, जुन हालसम्मकै उच्च दर हो।