काठमाडौं । नेपाली बजारमा सुनचाँदीको मूल्यमा उतारचढाव कायम छ । अन्तर्राष्ट्रिय बजारमा देखिएको अस्थिरतासँगै नेपाली बजारमा समेत सुनचाँदीको मूल्यमा उतार–चढाव जारी भएको हो । आइतबार उल्लेख्य रूपमा बढेको सुनको मूल्य आज सोमबार भने घटेको छ।
नेपाल सुनचाँदी व्यवसायी महासङ्घका अनुसार आइतबार प्रतितोला २ लाख ४४ हजार ६ सय रुपैयाँमा पुगेको छापावाला सुन सोमबार १ हजार ९ सय रुपैयाँले घटेर २ लाख ४२ हजार ७ सय रुपैयाँमा कारोबार भइरहेको छ।
त्यस्तै, चाँदीको मूल्यमा पनि हल्का गिरावट देखिएको छ। आइतबार प्रतितोला ३ हजार १ सय ३५ रुपैयाँमा कारोबार भएको चाँदी सोमबार ३ हजार १ सय १५ रुपैयाँमा झरेको महासङ्घले जनाएको छ।
यसअघि असोज ३१ गते सुन–चाँदी दुवैको मूल्य अहिलेसम्मकै उच्च बिन्दुमा पुगेको थियो। सो दिन सुन प्रतितोला २ लाख ५८ हजार रुपैयाँ र चाँदी प्रतितोला ३ हजार ३ सय ५० रुपैयाँमा कारोबार भएको थियो।