ई-आर्थिक, काठमाडौं । नेपाली बजारमा बहुमूल्य धातुको मूल्यमा उल्लेखनीय गिरावट आएको छ।
एकै दिनमा सुनको मूल्य तोलामा ३ हजार ८०० रुपैयाँले घटेको छ भने चाँदी पनि ६५ रुपैयाँले सस्तो भएको छ।
नेपाल सुनचाँदी व्यवसायी महासंघका अनुसार मंगलबार छापावाला सुन प्रतितोला २ लाख ३९ हजार ५०० रुपैयाँमा कारोबार भइरहेको छ।
यसअघि सोमबार सोही सुन २ लाख ४३ हजार ३०० रुपैयाँमा कारोबार भएको थियो।
चाँदीतर्फ पनि गिरावट देखिएको छ। मंगलबार चाँदी प्रतितोला ३ हजार ९० रुपैयाँमा झरेको छ, जुन सोमबारको ३ हजार १५५ रुपैयाँको तुलनामा ६५ रुपैयाँ कम हो।
धातुको मूल्य लगातार उतार–चढाव भइरहेकाले उपभोक्ता र व्यापारी दुवै सतर्क बनेका छन्।
बजार विश्लेषकहरूका अनुसार अन्तर्राष्ट्रिय मूल्य तथा माग–आपूर्तिको प्रभावले निकट भबिष्यमा पनि दरमा उतारचढाव जारी रहने सम्भावना छ।