सेग्मेन्टकै पहिलो ‘नो–शेक क्यामेरा’ र उन्नत कृत्रिम बौद्धिकता (एआई) सुविधा
काठमाडौं । सामसङ नेपालले आफ्नो लोकप्रिय ‘ग्यालेक्सी एम सिरिज’ अन्तर्गत नयाँ स्मार्टफोन ग्यालेक्सी एम१७ फाइभजी नेपालमा सार्वजनिक गरेको छ। आकर्षक डिजाइन, मजबुत टिकाउपन र अत्याधुनिक कृत्रिम बौद्धिकता (एआई) फिचरसहित आएको यो फोनले आफ्नो सेग्मेन्टमै पहिलोपटक अप्टिकल इमेज स्टेबलाइजेसन (ओआईएस) अर्थात् “नो–शेक क्यामेरा” प्रविधि प्रस्तुत गरेको छ।
कम्पनीका अनुसार यो प्रविधिले प्रयोगकर्तालाई हल्लाबिना स्थिर र स्पष्ट फोटो तथा भिडियो खिच्न सक्षम बनाउँछ। यसले दैनिक क्षणहरूलाई व्यावसायिक गुणस्तरमा कैद गर्न चाहने प्रयोगकर्ताका लागि नयाँ अनुभव प्रदान गर्नेछ।
सामसङ इलेक्ट्रोनिक्स नेपालका एमएक्स व्यवसाय निर्देशक प्रणय रत्न स्थापितले भने, “ग्यालेक्सी एम१७ फाइभजीमार्फत हामी कृत्रिम बौद्धिकता र प्रिमियम क्यामेरा प्रविधिलाई अझ व्यापक नेपाली प्रयोगकर्तासम्म पुर्याउँदैछौं। ‘नो–शेक क्यामेरा’सहितका नवीन फिचरहरूले दैनिक जीवनलाई अझ स्मार्ट, सहज र रमाइलो बनाउनेछन्।”
‘मन्स्टर एआई’ फिचरसहित दमदार प्रदर्शन ग्यालेक्सी एम१७ फाइभजीमा सामसङको ग्यालेक्सी एआई प्रविधि समावेश गरिएको छ। यसमा गुगलसँगै घेराएर खोज्ने (सर्कल टु सर्च) र रियल–टाइम एआई असिस्टजस्ता सुविधा छन्, जसले प्रयोगकर्तालाई खोजी, अनुवाद, संवाद र मल्टिटास्किङमा सहजता प्रदान गर्छ।
६ न्यानोमिटर प्रविधिमा निर्मित एक्सिनोस १३३० प्रोसेसरयुक्त यो स्मार्टफोनले उच्च प्रदर्शन, गेमिङ तथा भिडियो स्ट्रिमिङमा छरितोपन र ऊर्जादक्षता प्रदान गर्ने कम्पनीको दाबी छ।
मुख्य विशेषताहरू
६.७ इन्च एफएचडी+ सुपर एमोलेड पर्दा
कोर्निङ गोरिल्ला ग्लास भिक्टसद्वारा सुरक्षा
आईपी५४ रेटिङ सहित धूलो र पानी प्रतिरोध
अप्टिकल इमेज स्टेबलाइजेसन (ओआईएस) प्रविधियुक्त क्यामेरा
कृत्रिम बौद्धिकता (एआई) आधारित स्मार्ट फिचरहरू
यी सबै सुविधासहितको ग्यालेक्सी एम१७ फाइभजीलाई कम्पनीले “दैनिक जीवनका साहसिक क्षणहरूका लागि आदर्श साथी”को रूपमा प्रस्तुत गरेको छ।
सामसङले नेपालमा ग्यालेक्सी एम१७ फाइभजीलाई दुई भेरियन्टमा बजारमा ल्याएको छ ।
भेरियन्ट मूल्य (रु)
४ जीबी / १२८ जीबी २५,९९९
६ जीबी / १२८ जीबी २७,९९९
यो स्मार्टफोन देशभरका सामसङ अधिकृत खुद्रा स्टोर, सामसङ प्लाजा तथा प्रमुख अनलाइन व्यापार प्लेटफर्महरूमा उपलब्ध छ। उपभोक्ताहरूले आफ्नो नजिकको बिक्री केन्द्र वा अनलाइन स्टोरमार्फत नयाँ ग्यालेक्सी एम१७ फाइभजी खरिद गर्न सक्नेछन्।