ई-आर्थिक, काठमाडौं । नेपाल टेलिकमले प्राविधिक कारणले केही समयका लागि अवरुद्ध भएको Caller Ring Back Tone (CRBT) सेवा पुनः सुचारु भएको जानकारी दिएको छ।
कम्पनीका अनुसार सेवामा आएको समस्या समाधान भइसकेको छ र अहिले सेवा सामान्यरूपमा सञ्चालनमा आइसकेको छ। यसअवधिमा सेवाग्राहीले भोग्नुपरेको असुविधाप्रति नेपाल टेलिकमले खेद व्यक्त गर्दै आगामी दिनमा यस्ता सेवाहरू निरन्तर र गुणस्तरीय रूपमा उपलब्ध गराउने प्रतिबद्धता जनाएको छ।
नेपाल टेलिकमले ग्राहकहरूको माग र आवश्यकता अनुरूप सेवा प्रवाहमा अझ सुधार ल्याउने प्रयास जारी राखेको जनाएको छ।