काठमाडौं । एयर क्यानडाका करिब १० हजार उडान सहायक कर्मचारीले पारिश्रमिक वृद्धि र कामको उचित मूल्याङ्कनको माग गर्दै शनिबारदेखि राष्ट्रव्यापी हड्ताल सुरु गरेका छन्। हड्तालको प्रत्यक्ष असरस्वरूप सयौं उडान रद्द भएका छन् भने हजारौं यात्रुहरू प्रभावित भएका छन् ।
सेवा ठप्प, यात्रुलाई विमानस्थल नजान आग्रह
एयर क्यानडाले शनिबारका लागि निर्धारित सबै ७०० उडान रद्द गरेको जनाएको छ। यसअघि शुक्रबार साँझसम्म ६२३ उडान रद्द भइसकेका थिए। कम्पनीले यात्रुहरूलाई विमानस्थल नजान र विकल्प खोज्न अनुरोध गरेको छ।
माग के छ ?
क्यानाडियन युनियन अफ पब्लिक इम्प्लोइज (CUPE) का अनुसार,
-
बोर्डिङ र उडान तयारीमा काम गर्ने कर्मचारीलाई पारिश्रमिक नदिने प्रचलन अन्त्य गरिनु पर्ने,
-
मुद्रास्फीति अनुसार तलब समायोजन गर्नुपर्ने प्रमुख मागहरू हुन् ।
युनियनले एयर क्यानडाले पेस गरेको प्रस्ताव मूल्यवृद्धिभन्दा पनि कम रहेको भन्दै अस्वीकार गरेको छ ।
अर्थतन्त्रमा असर
विशेषज्ञहरूले हड्ताल लामो नहुन सक्ने अनुमान गरे पनि यसले
-
आन्तरिक हवाई यातायात,
-
पर्यटन
-
र आपूर्ति प्रणालीमा तत्कालै असर पार्ने जनाएका छन् ।
क्यानाडाका व्यवसायिक महासंघले चेतावनी दिँदै भनेको छ, “यो जस्तो व्यस्त समयमा हवाई सेवा रोकिँदा व्यापार र वितरण प्रणालीमा गम्भीर समस्या आउन सक्छ।”