ई-आर्थिक, काठमाडौं । आगामी आर्थिक वर्ष २०८२/ २०८३ लागि काठमाडौं महानगरपालिकाले आज बजेट ल्याउदै छ । काठमाडौं महानगरले राजस्व परामर्श समिति बैठकले सिफारिस गरेको २५ अर्ब ११ करोड रूपैयाँ बजेटको सीमाभित्र बसेर बजेट ल्याउन लागेको हो ।
आज बिहान ९ बजे बसेको नगरकार्यपालिका बठैकले महानगरको आगामी आर्थिक वर्षको बजेट पारित गरेको छ ।
कार्यपालिकाले पारित गरेको बजेट आजै दिउँसो २ बजे बस्ने नगरसभा बैठकमा पेस हुन्छ । बजेट पेस हुनभन्दा अगाडी कार्यपालिकाबाट बजेट पास गरि नगरसभामा बजेट पेस गरिने प्रावधान रहेको छ ।
काठमाडौं महानगरको १७औं नगरसभा दिउँसो २ बजे बसेर बजेट पेस हुनेछ ।
मेयर र प्रमुख प्रशासकीय अधिकृतबीचको विवादका कारण महानगरको बजेटमा अन्योलता उत्पन्न भएको थियो । असार मसान्तभित्र बजेट ल्याइसक्नुपर्ने हुँदा महानगरले हतार हतार बजेटको तयारी गरेको थियो ।