बर्लिन । जर्मनीका अर्थमन्त्री लार्स क्लिङबिलले आइतबार अमेरिकासँग ‘गम्भीर वार्ता’ गर्न आग्रह गरेका छन्। अमेरिकी राष्ट्रपति डोनाल्ड ट्रम्पले युरोपेली संघ (इयू) बाट हुने आयातमा ५० प्रतिशत कर लगाउने धम्की दिएपछि अर्थमन्त्री क्लिङबिलले वार्ताका लागि आग्रह गरेका हुन्।
ट्रम्पले शुक्रबार ‘छलफल (इयूसँग) कतै पुगेको छैन’ भन्दै धम्की दिएकाे र जुन १ देखि भन्सार शुल्क लागू हुने बताएका छन्। यदि लगाइयो भने तिनीहरूले वासिङ्टनको हालको आधारभूत १० प्रतिशतको भन्सार शुल्कलाई नाटकीय रूपमा बढाउनेछ र विश्वका दुई आर्थिक महाशक्ति बीच बढ्दो तनावलाई उत्तेजित पार्नेछ।
क्लिङबिलले बिल्ड अखबारसँग ‘हामीलाई थप उक्साहटको आवश्यकता छैन, तर गम्भीर वार्ता चाहिन्छ’ र यस विषयमा आफ्ना अमेरिकी समकक्षी स्कट बेसेन्टसँग कुरा गरेको बताएका छन्। शुक्रबार ट्रम्पले युरोपमा युद्धपछिको शान्तिलाई सुनिश्चित गर्न परिकल्पना गरेको युरोपेली संघ (इयू) ले ‘हाम्रो फाइदा लिन एकजुट भएको’ आफ्नो लामो समयदेखि रहेको दृष्टिकोण दोहोर्याएका छन्।
साथै आफूले ‘सम्झौता नखोजिरहेको’ ट्रम्पकाे भनाइ छ। क्लिङबिल भन्छन्, ‘अमेरिकी भन्सार शुल्कले अमेरिकी अर्थतन्त्रलाई जर्मन र युरोपेली अर्थतन्त्र जत्तिकै खतरामा पारेको छ।’ नयाँ विश्वव्यापी आर्थिक अवरोधको डरबीच ट्रम्पको टिप्पणीपछि सेयर बजारमा गिरावट आएको छ। अमेरिकी डलरमा पनि गिरावट आएको छ।
इयूका व्यापार प्रमुख मारोस सेफकोभिक ट्रम्पप्रति प्रतिक्रिया दिँदै भन्छन्, ‘ब्लक दुवैका लागि काम गर्ने सम्झौता सुरक्षित गर्न प्रतिबद्ध छ र व्यापार सम्बन्ध आपसी सम्मानद्वारा निर्देशित हुनुपर्छ, धम्कीहरूद्वारा होइन।’
क्लिङबिलले अमेरिकासँगको वार्तालाई सम्बोधन गर्न इयूलाई जर्मनीको समर्थन रहेको दोहोर्याए। ‘युरोपेलीका रूपमा हामी एकताबद्ध छौँ र हाम्रो हितको प्रतिनिधित्व गर्न कटिबद्ध छौँ’ उनले भने।