ई-आर्थिक, काठमाडौं । सरकारले मन्त्रिपरिषद् बैठकका निर्णय सार्वजनिक गरेको छ । बैशाख २५ र ३१ गते बसेको मन्त्रिपरिषद् बैठकका निर्णय पत्रकार सम्मेलनमार्फत सार्वजनिक गरिएको हो ।
सरकारका प्रवक्ता एवम् सूचना, सञ्चार तथा प्रविधिमन्त्री पृथ्वीसुब्बा गुरुङले बैठकका ३० वटा निर्णय सार्वजनिक गरेका हुन् ।
सरकारले गभर्नर सिफारिस समितिमा पोषराज पाण्डेलाई चयन गरेको छ । मन्त्रिपरिषद् बैठकले नेपाल राष्ट्र बैंकको गभर्नरको नियुक्तिको लागि सिफारिस गर्न २०८१ चैन ११ मा गठन गरेको सिफारिस समिति विघटन गर्ने निर्णय गरेको थियो ।
उपप्रधानमन्त्री एवं अर्थ मन्त्री, विष्णुप्रसाद पौडेल -संयोजक, पूर्वगभर्नर महाप्रसाद अधिकारी-सदस्य र आर्थिक, मौद्रिक, बैकिङ, वित्तीय तथा वाणिज्य कानूनको क्षेत्रका लब्धप्रतिष्ठित व्यक्तिहरूमध्येबाट डा. पोषराज पाण्डे सदस्यलाई चयन गर्ने निर्णय गरेको हो ।