ई-आर्थिक, काठमाडौं । राजवादीहरुको प्रदर्शनले तिनकुनै क्षेत्र अस्तव्यस्त भएको छ । राजवादीहरु अराजक बन्दै निजी घरहरु तोडफोड गरेका छन्। तीनकुनेमा भेला भएका पूर्वराजाका समर्थकहरू र प्रहरीबिच भडप भएको हो ।
स्थितिलाई नियन्त्रणमा लिन अश्रुग्यास प्रहार गरिएको जानकारी प्रहरीले दिएको छ ।
प्रदर्शनकारीले सुरक्षाकर्मीमाथि ढुङ्गामुडा प्रहार गरेपछि स्थितिलाई नियन्त्रणमा लिन अश्रुग्यास प्रहार गरिएको छ, स्थिति अहिले तनावपूर्ण नै छ ।
राजवादी समर्थकहरुले एउटा घरमा आगजनीसमेत गरेका छन् ।
राजावादीकाे प्रदर्शनका कारण तीनकुनेको स्थिति तनावग्रस्त भएपछि प्रहरीले हवाई फायर गरेको छ । घरमा लागेको आगो निभाउन गएको दमकललाई पनि प्रदर्शनकारीले ढुंगा हानेपछि प्रहरीले पछि हवाई फायर गरेको हो ।