ई–आर्थिक, काठमाडौं । मनिचेन्जरको नयाँ इजाजतपत्र प्रदान गर्ने कार्य बन्द गरिएको छ । नेपाल राष्ट्र बैंकको विदेशी विनियम व्यवस्थान विभागले शुक्रबार एक सूचना जारी गर्दै नयाँ इजाजतपत्र प्रदान गर्ने कार्य बन्द गरिएको जानकारी गराएको हो ।
अर्को व्यवस्था नभएसम्मका लागि अन्तर्राष्ट्रिय विमानस्थलबाहेकका स्थानमा मनिचेन्जरको नयाँ इजाजतपत्र प्रदान गर्ने कार्य बन्द गरिएको राष्ट्र बैंकको सो विभागले जानकारी दिएको छ । विभागले सोहीबमोजिम गर्न गराउन पनि विदेशी विनियम (नियमित गर्ने) ऐन, २०१९ को दफा १२ले दिएको अधिकार प्रयोग गरी सूचना जारी गरिएको भनेको छ ।
