ई–आर्थिक, काठमाडौं । श्री एयरलाइन्सको जहाजको वायाँ इन्जिनमा धुवाँ देखिएको छ । नेपालगञ्जदेखि काठमाडौंका लागि उडेको श्री एयरलाइन्सको ९ एन–एएनएफ जहाजमा समस्या देखिएपछि नेपालगञ्ज विमानस्थलमा आपतकालीन अवतरण गरेको छ ।
जहाजको वायाँ इन्जिनमा धुवाँ देखिएपछि पनि १० माइल उडेको जहाज सोही विमानस्थलमा फर्काएर आपतकालीन अवतरण गराइएको हो ।
नेपालगञ्ज विमानस्थल कार्यालयका अनुसार जहाज अवतरणका क्रममा ‘फुल इमर्जेन्सी’ व्यवस्था गरिएको थियो ।
जहाज सुरक्षित अवतरण भएको छ । जहाजमा चालक दलका सदस्यसहित ७९ जना यात्रारत थिए ।