ई–आर्थिक, काठमाडौं । कामना सेवा विकास बैंक लिमिटेडको नायब प्रमुख कार्यकारी अधिकृत पदमा विनय दाहाल नियुक्त भएका छन् ।
बैंकिङ्ग क्षेत्रमा करिब ३ दशक लामो कार्य अनुभव हासिल गरेका दाहाल विगत ५ वर्ष देखि एनएमबि बैंकको उच्च तहमा रहेर काम गरिरहेका थिए । दाहालले सो बैंकमा पछिल्लो २ वर्ष देखि बैंकको व्यापार तथा योजना प्रमुखको जिम्मेवारी वहन गर्दै आएका थिए ।
दाहालसँग एनआईसि एसिया बैंक तथा नबिल बैंकसँग आबद्ध भएर पनि काम गरेको अनुभव छ ।