ई–आर्थिक, काठमाडौं । देशभरका स्वास्थ्य संस्थामा कोरोना भाइरस फैलिइरहेको छ । मुलुकभरका स्वास्थ्य संस्थाका स्वास्थ्यकर्मीमा कोरोना भाइरसको संक्रमण फैलिइरहेको समाचार प्राप्त भएको छ ।
यसैक्रममा थापाथलीस्थित प्रसुती गृहमा कार्यरत तीन आवासीय चिकित्सकसहित ८ जनालाई कोरोना भाइरसको संक्रमण देखिएको छ ।
संक्रमित हुनेमा नर्स, फार्मेसीमा काम गर्ने व्यक्ति, प्राविधिक र सुरक्षा गार्डका साथै अस्पतालमा रहेको बैंकका कर्मचारी छन् । अस्पतालका बिरामीमा भने संक्रमण नदेखिएको बताइएको छ ।