ई आर्थिक, काठमाडौं । सरकारले लकडाउनको समय थप गर्ने तयारी गरेको छ । मङ्गलबार बिहान ६ बजेसम्मका लागि घोषणा गरिएको ‘लकडाउन’ सरकारले अझै केही दिन लम्ब्याउने तयारी गरेको हो ।
कोरोना भाइरस नियन्त्रण तथा रोकथाम उच्चस्तरीय समन्वय समिति बैंठक आइतबार दिउँसो बस्ने भएको छ । उक्त बैठकले लकडाउनको समयावधि थप्नेबारे निर्णय गर्नेछ । कोरोना रोकथाम तथा नियन्त्रणको लागि पर्याप्त समय नपुगेको भन्दै लकडाउन समयावधि थप गर्नेबारे औपचारिक निर्णय हुन बाँकी रहे पनि तयारी अवस्थामा रहेको स्रोतले जनाएको छ ।