ई–आर्थिक, काठमाडौं । विश्वका विशिष्ट व्यक्तिहरुमा पनि धमाधम कोरोनाको संक्रमण देखा परिरहेको छ । यसैक्रममा स्पेनका प्रधानमन्त्री पेद्रो सान्चेज पत्नी मारिया बेगोना गोमेज फेर्नान्देलाई पनि कोरोना भाइरसको संक्रमण देखिएको छ ।
त्यहाँको सरकारले सार्वजनिक गरेको रिपोर्टका अनुसार स्वास्थ्य अधिकारीहरुले स्वास्थ्य परीक्षण गर्दा उनमा कोरोना भाइरस फेला परेको हो । कोरोना भाइरस देखिए पनि उनी खतरामुक्त रहेका अन्तर्राष्ट्रिय सञ्चारमाध्यमले जनाएका छन् ।
स्पेनिस सराकारले मन्त्रिपपरिषद्का सबै सदस्यको स्वास्थ्य परीक्षण गराएको थियो । त्यसक्रममा दुई मन्त्री इरेने मोन्तेरो र क्यारोलिना दारियासमा कोरोना भाइरसको संक्रमण भेटिएको थियो ।
इटालीपछि स्पेन कोरोना भाइरसले संक्रमित दोस्रो ठूलो युरोपियन मुलुक हो । स्पेनमा कोरोना भाइरस संक्रमणबाट शनिबार साँझसम्म १०० जनाको मृत्यु भइसकेको छ । त्यस्तै ५ हजार ७ सय व्यक्ति संक्रमित भएको स्पेनिस सञ्चारमाध्यमहरुले जानकारी दिएका छन् ।
यो संक्रकणको घटनासँगै युरोपसँगै विश्व आतंकित भएको छ ।