ई–आर्थिक, काठमाडौं । सुनको मूल्य नयाँ उचाईमा पुगेको छ । आज विहीवार नयाँ रेकर्ड कायम गर्दै सुनको मूल्य ७० हजार पुगेको छ ।
छापावाला सुन ७० पुगेको यो नै पहिला हो । नेपालको सुन बजारमा प्रतितोला ७० हजार रुपैयाँ पुगेसँगै सुनका लगानीकर्ता मालामाल भएको छ ।
सेयर बजारमा मन्दी र जग्गाको प्लटिङ्ग रोकिए पछि सुनमा लगानी गर्नेहरू बढेका थिए । सुनमा भएको मूल्य बृद्धिसँगै लगानीकर्ताहरू यतिवेला मालामाल भएका हुन् ।
हिजो बुधवार ६९ हजार ४०० मा कारोबार भएको मूल्य आज ६ सय रुपैयाँले बढेर ७० हजार रुपैयाँ पुगेको हो । पछिल्ला दिनमा सुनको मूल्य लगातार बढिरहेको छ ।
तेजाबी सुन भने आज प्रतितोला ६९ हजार ७ सय रुपैयाँ कायम भएको छ ।