धादिङ – धादिङको गजुरी गाउँपालिका वडा नंं ६ जहरेमा बस र ट्रक ठोक्किएको छ । उक्त बस र ट्रक ठोक्किदा दुबैतर्फकाट गरी २७ जना यात्रु घाइते भएका छन्।
झापाको काँकडभिट्टाबाट काठमाडौं तर्फ जादै गरेको ना६ख १९२६ नम्बरको बस र ना७ख २९ नम्बरको ट्रक शनिबार बिहान ठोक्किएको थियो । ट्रक बिपरित दिशाबाट नारायणघाटतर्फ जाँदै गरेको थियो ।
घाइतेहरुलाई उपचारका लागि काठमाडौं पठाइएको इलाका प्रहरी कार्यालय गजुरीले जानकारी दिएको छ। बसमा यात्रारत यात्रुहरु बढी घाईते भएपनि घाईतेहरुको नाम र अवस्था एकिन हुन सकेको छैन ।