२५ फागुन, काठमाडौं । प्रतिनिधिसभा सभामुखमा माओवादी केन्द्रका नेता कृष्णबहादुर महरा निर्विरोध निर्वाचित भएका छन् ।
सभामुखका लागि महराको मात्र उम्मेदवारी परेकाले उनी निर्विरोध भएका हुन । यसको औपचारिक घोषणा भने भोलि हुने भएको छ ।
महराको प्रस्तावकमा पूर्वसभामुख तथा एमाले नेता सुवास नेम्वाङ छन् भने समर्थकमा माओवादी केन्द्रका प्रमुख सचेतक देव गुरुङ रहेका छन् । महराले उम्मेदवारी दर्ता गर्दा माओवादी अध्यक्ष प्रचण्ड, एमाले उपमहासचिव विष्णु पौडेलसहितका दर्जनौं नेताहरुको उपस्थित थिए ।
माओवादी केन्द्रले शुक्रबार विहान मात्र महरालाई सभामुखको उम्मेदवार बनाउने निर्णय गरेको थियो । यस अघि सो पदमा माओवादीले पूर्वसभामुख ओनसरी घर्तिको नामलाई पनि चर्चामा ल्याएको थियो । एमालेले राष्ट्रपतिमा विद्यादेवी भण्डारीलाई दो¥याउने निर्णय गरेपछि घर्तिले पनि दोहो¥याउने इच्छा व्यक्त गरेकी थिइन ।
सभामुखमा निर्विरोध निर्वाचित महराले संविधान कार्यान्वयन चुनौतीपूर्ण रहेको बताए । साथै त्यसका लागि धेरै कानुनहरु बनाउनु पर्ने भएकाले पनि त्यसमा आफ्नो भूमिका रहने बताए ।