२३ भदौ, काठमाडौं । मेक्सिकोमा ८.१ रेक्टर स्केलको शक्तिशाली भूकम्प गएको छ ।
बिहीबार राति गएको भूकम्पको केन्द्रबिन्दु पीजीजीपान शहरभन्दा १०० किलोमिटर टाढा रहेको भौगर्भिक सर्वेक्षण विभाग, युएसजिएसले जानकारी दिएको छ ।
भूकम्पको धक्का मेक्सिको सिटीसम्म पुगेको थियो । उक्त धक्का आएपछि मानिसहरु सडकमा निस्केका थिए ।
भूकम्पले मेक्सिको साथै ग्वाँटेमाला, एल साल्भाडोर, कोष्टारिका, निकारागुवा, पानामा र होन्डुरसम्म सुनामी आउने संकेत गर्दै सावधानी अपनाउन सरकारले आग्रह गरेको छ । भूइचालोको क्षतिको बिबरण भने आइसकेको छैन ।
उक्त भूकम्पपछि सुनामीको पनि चेतावानी दिइएको छ । शुक्रबार बिहानतिर सुनामीको पनि खतरा रहेको जानकारी दिइएको समाचारमा उल्लेख गरिएको छ ।
सुनामीको खतरा, सामुद्रिक क्षेत्र वरपर सतर्कता
यसैबीच उक्त भूकम्पका कारण सुनामी आउनसक्ने चेतावानी दिइएकोले समुद्री क्षेत्रहरुमा सतर्कता अपनाइएको छ ।
समुद्री सतहका बस्तीहरु खाली गर्ने क्रम सुरु भएको छ । भूकम्प शक्तिशाली भएकोले सामुद्रिक किनारवरिपरी निकै नै खतरा रहेको सूचना सार्वजनिक रुपमा जारी गरिएको छ ।
भूकम्पको समयमा समुद्रको छाल नियमितभन्दा कम्तीमा पनि तीन मिटरसम्म परसम्म पुगेको थियो । आगामी १२ घन्टासम्म सुनामीको खतरा रहेको मौसमविदहरुले जनाएका छन् ।