दुई सय रुपैयाँले घट्यो सुनको भाउ

५ जेठ, काठमाडौं । साताको अन्तिम दिन शुक्रबार सुनको मूल्य २०० रुपैयाँले घटेको छ । बिहिबार ह्वातै १ हजार रुपैयाँले बढेको सुनको मूल्य शुक्रबार प्रतितोला २ सय रुपैयाँले घटेर तोलाको ५४ हजार ५ सय रुपैयाँमा कारोबार भइरहेको छ ।

झण्डै एक सातासम्म स्थिर रहेको सुनको मूल्य बिहिबार भने प्रतितोला हजार रुपैयाँले बढेको थियो ।

त्यस्तै शुक्रबार चाँदीको मूल्य पनि तोलामा ५ रुपैयाँले घटेर ७ सय ५० रुपैयाँमा कारोबार भइरहेको सुनचाँदी व्यवसायी महासंघले जनाएको छ । बिहिबार चाँदी तोलाको ७ सय ५५ रुपैयाँमा कारोबार भएको थियो ।