बंगलादेशको चर्चित फर्निचर ब्राण्ड हातिलको शोरुम अब नेपालमै

१९ वैशाख, काठमाडौँ । बंगलादेशको चर्चित फर्निचर ब्राण्ड हतिलको शोरुम नेपालमै पहिलो पटक स्थापना भएको छ । बंगलादेशमा हतिल कम्प्लेक्स कम्पनी विशेषगरी आधुनिक डिजाइन र विभिन्न कलात्मक फर्निचरकालागी प्रसिद्ध छ ।

नेपालमा अखिल ट्रेडीङ कन्सर्नसँगको साझेदारीमा शोरुम स्थापना भएको हो, जुन नेपालको आधिकारीक विक्रेताको रुपमा रहेको छ ।

यसको शोरुम काठमाडौंको त्रिपुरेश्वरमा रहेको वर्ल्ड ट्रेड सेन्टरमा छ । सुपथ मुल्यमा अधिकतम कलात्मक डिजाइनहरुका साथै सुन्दर र आधुनिक फर्निचरहरुले फर्नीचर पारखीहरुको मन जित्ने कम्पनीको विश्वास छ ।

आपूर्तीमन्त्री दिपक बोहोराले शोरुमको उद्घाटन गर्नुभयो । उहाले पछिल्लो समय गुणस्तरीय सामान रोज्ने नेपालीको बानीका कारण विभिन्न खालका गुणस्तरीय फर्निचरका लागि चर्चित ब्राण्ड हातिल रोजाइमा पर्ने बताउनुभयो ।

आधिकारीक विक्रेता अखिल ट्रेडीङका अध्यक्ष अखिलकुमार चापागाईले अमेरीका, रुस, क्यानडाका साथै थाइल्याण्ड र भुटानमा समेत शोरुम स्थापना गरी विश्वब्यापी रुपमा ग्राहकको मन जित्न सफल हातिललाई नेपालमा स्वागत गर्न पाउँदा खुशी लागेको बताउनुभयो । अध्यक्ष चापागाइले यो फर्निचरले नेपाली ग्राहकहरुको मन जित्दै जिवनस्तर सहज र सुविधासम्पन्न बनाउने विश्वास ब्यक्त गर्नुभयो ।

कम्पनीका अध्यक्ष तथा प्रवन्ध निर्देशक सेलीम एच रेहमानले गुणस्तरीय फर्नीचर ब्राण्डको रुपमा हातिल विश्वमै स्थापित गर्ने मात्र नभइ बंगलादेशलाई विश्वमै चिनाउने पनि सपना भएको बताउनुभयो।