काठमाडौँ । दुबई विमानस्थलमा अवतरणका क्रममा चरा ठोक्किएको विमान निर्धारित समयभन्दा ७ घण्टा ‘डिले’ हुँदा दिल्ली जाने १ सय ५४ यात्रु काठमाडौँ विमानस्थलमै अलपत्र परेका छन् ।
काठमाडौँबाट बिहान ८ बजे उड्नुपर्ने आरए–२०५ उडान नम्बर भएको निगमको न्यारोबडी विमान अल्फा किलो एक्सरे जहाजमा शुक्रबार राति दुबई विमानस्थलमा अवतरणका क्रममा चरा ठोक्किएको थियो ।
उक्त विमान दुबईबाट शनिबार निर्धारित समयभन्दा करिब एक घण्टा ढिलो बिहान ११ बजेतिर काठमाडौँमा अवतरण भएको थियो ।
अवतरणका क्रममा निगमका प्राविधिकले जाँच गर्दा नेपाली नाम लुम्बिनी भएको त्यो न्यरोबडी विमानमा चराका पखेटा देखिएका थिए ।