ई–आर्थिक, काठमाडौं । महालक्ष्मी विकास बैंकले संस्थागत सामाजिक उत्तरदायित्वअन्तर्गत विद्यालय, पार्क र मन्दिरलाई सहयोग गरेको छ । बैंकको पिपल्ला शाखाद्वारा दिपायल सिलगढी नगरपालिका–३ मा अवस्थित ‘दिल्पेश्वर माध्यमिक विद्यालय’लाई दुई थान स्टिलको पानी ट्यांकी सहयोग गरेको बताइएको छ ।
त्यसैगरी, मैतिदेवी शाखाद्वारा काठमाडौं महानगरपालिका–३० मा अवस्थित मैतिदेवी मन्दिर क्षेत्र प्रबन्ध समितिलाई सडक डिभाइडर हस्तान्तरण गरिएको बैंकले जानकारी दिएको छ । बैंकले मन्दिर वरपरको बाटो अस्तव्यस्त हुनेगरी सवारीसाधन पार्किङ गर्ने समस्याको व्यवस्थापनका लागि सडक डिभाइडर गरेको हो ।
त्यस्तै बैंकको पुतलीसडक शाखाद्वारा काठमाडौं महानगरपालिका–२८ मा अवस्थित ‘झिगु इच्छुमती पार्क’का लागि ६ थान कुर्सी हस्तान्तरण गरिएको छ ।