२०७४ असोज ६ शुक्रबार, २०७४ । सप्तरीमा राष्ट्रिय जनता पार्टीको अर्को स्थानीय तहमा पनि जित भएको छ ।
जिल्लाको रुपनी गाउँपालिकामा राजपा नेपालका हरेराम यादव ४ हजार ६८ मत प्राप्त गरी प्रमुख पदमा विजयी हुनुभएको छ भने उहाँका निकटतम प्रतिद्वन्द्वी नेपाली काँग्रेसका रामनारायण इसर (राजधोव) ले २ हजार ९७१ मत प्राप्त गरेको जिल्ला निर्वाचन कार्यालय, सप्तरीले जनाएको छ ।
यस्तै, उपप्रमुखमा पनि राजपाकै बेचनीदेवी सरदारले ३ हजार ९३६ मत प्राप्त गरी विजयी हुनुभएको छ भने उहाँका निकटतम प्रतिद्वन्द्वी नेपाली काँग्रेसकै भोलेश्वरीदेवी चौधरीले २ हजार ६९७ मत प्राप्त गर्नुभयो ।
यसअघि, सप्तरीको डाक्नेश्वरी नगरपालिकामा राष्ट्रिय जनता पार्टी (राजपा) नेपाल जिल्लामा पहिलोपटक प्रमुख र उपप्रमुख पदमा विजयी भएको थियो ।