बाढीबाट सडक र पुलमा रु १५ अर्बभन्दा बढीको क्षति भएको प्रारम्भिक आकलन

पुनर्निर्माण नसकिँदै फेरि क्षति

गत वर्षको बाढीपछि चिनियाँ सहयोगमा पुनर्निर्माण भइरहेकोमा उक्त सडकखण्ड फेरि बाढीको चपेटामा परेको छ।

“त्यो निर्माणाधीन सडकमा कुन स्तरमा क्षति पुगेको छ भन्ने कुरा ठ्याक्कै भन्न सक्ने अवस्था छैन,” महानिर्देशक जैसीले उल्लेख गरे।

अर्कोतर्फ गल्छी-बैरेनी सडकखण्ड बाढीका कारण अवरुद्ध भएको छ। लेदो हटाउन सकस भइरहेको अधिकारीहरूले बताएका छन्।

सडक विभागका अधिकारीहरूका अनुसार बाढीपछि विदुर-तादीखोला सडकखण्डमा पनि लेदो हटाउन गाह्रो भइरहेको छ।

राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार प्रारम्भिक रूपमा हेर्दा तिब्बतमा पहिला हिउँपहिरोले नदी थुनिएको र अहिले “हिउँ पग्लिएका कारण” रसुवामा बाढी आएको अनुमान गरिएको छ।

अधिकारीहरूले बाढीबाट पृथ्वी राजमार्ग, गल्छी-नुवाकोट-रसुवा स्याफ्रुबेँसी सडक, मुग्लिङ-नारायणगढलगायत सडकमा यात्रा नगर्न र नगराउन आग्रह गरेको समाचार बीबीसीले लेखेको छ ।