काठमाडौं । राष्ट्रिय परीक्षा बोर्डले माध्यमिक शिक्षा परीक्षा (एसईई) पूरक परीक्षाको नतिजा सार्वजनिक गरेको छ। बोर्डअन्तर्गतको परीक्षा नियन्त्रण कार्यालयले पूरक परीक्षाको नतिजा सार्वजनिक गरेको हो।
गत असार १ देखि ७ गतेसम्म सञ्चालन भएको पूरक परीक्षामा १ लाख ४८ हजार ५ सय ७ जना परीक्षार्थी सहभागी हुनका लागि आवेदन दिएका थिए। तीमध्ये १ लाख २९ हजार १ सय ९४ जना परीक्षार्थी परीक्षामा सहभागी भएका थिए।
सार्वजनिक नतिजाअनुसार पूरक परीक्षामा सहभागीमध्ये ८३ हजार ५ सय २३ जना विद्यार्थी उत्तीर्ण भएका छन्। यस वर्ष ७ जना परीक्षार्थीको परीक्षा रद्द गरिएको राष्ट्रिय परीक्षा बोर्डले जनाएको छ।