काठमाडौं। नेपाली कांग्रेसको दोस्रो विशेष केन्द्रीय महाधिवेशन आजदेखि काठमाडौंको भृकुटीमण्डपमा सुरु भएको छ। महामन्त्री गगनकुमार थापा र विश्वप्रकाश शर्माको नेतृत्वमा बोलाइएको यो महाधिवेशन पुस २७–२८ मा चल्नेछ।
उद्घाटन समारोह आइतबार दिउँसो १ बजे सुरू हुनेछ। उद्घाटनअघि राजधानीका विभिन्न ठाउँ—सुन्धारा, रत्नपार्क, कमलपोखरी लगायत—बाट नेता र कार्यकर्ताहरू र्यालीको माध्यमले भृकुटीमण्डप पुग्ने कार्यक्रम तय गरिएको छ। उद्घाटन मञ्चमा ५० अतिथिको बस्ने व्यवस्था गरिएको छ भने खुला चौरमा ६ हजारभन्दा बढी कुर्सी राखिएका छन्।
महाधिवेशनमा पार्टीका अन्य दललाई आमन्त्रण गरिएको छैन। देशभरबाट आएका प्रतिनिधिहरूको नाम दर्ता कार्यक्रमस्थलमै भइरहेको छ र सहभागीहरूका लागि खाना र आवासको पूर्ण व्यवस्था गरिएको छ।
महामन्त्री थापा र शर्माले पार्टीको विधान अनुसार विशेष महाधिवेशन माग गरिएको र यसको उद्देश्य कांग्रेसलाई नयाँ ऊर्जासहित सुदृढ बनाउने र जनभावनाअनुरूप नीतिगत निर्णय लिनु रहेको बताएका छन्। उनीहरूले कठिन परिस्थितिमा पनि पार्टी एकढिक्का राख्ने प्रतिबद्धता व्यक्त गरेका छन्।