ई-आर्थिक, काठमाडौं । सुनचाँदी बजारमा आइतबार सुनको मूल्य प्रतितोला ३ हजार रूपैयाँले वृद्धि भएको छ। नेपाल सुनचाँदी व्यवसायी महासंघका अनुसार आजका लागि छापावाल सुनको मूल्य प्रतितोला २ लाख ३८ हजार रूपैयाँ निर्धारण गरिएको हो।
गत शुक्रबार बजारमा सुनको मूल्य एकैदिन ४ हजार २ सय रूपैयाँले घटेर २ लाख ३५ हजार रूपैयाँ पुगेको थियो। केही दिनको गिरावटपछि आइतबार पुनः मूल्य वृद्धिको प्रवृत्ति देखिएको हो।
यसैबीच, चाँदीको मूल्य पनि आज प्रतितोला ४० रूपैयाँले बढेको छ। महासंघका अनुसार गएको शुक्रबार ३ हजार ८५ रूपैयाँमा कारोबार भएको चाँदी आज आइतबार ३ हजार १ सय २५ रूपैयाँमा कारोबार भइरहेको छ।
सुनचाँदीको मूल्य अन्तर्राष्ट्रिय बजारसँग सिधा सम्बन्धित हुने भएकाले भोलिका दिनमा पनि मूल्यमा उतारचढाव आउने अनुमान गरिएको छ।