ई-आर्थिक, काठमाडौं । नेपाली बजारमा शुक्रबार सुनको मूल्यमा उल्लेख्य गिरावट आएको छ भने चाँदीको मूल्य भने नयाँ उच्च बिन्दुमा पुगेको छ।
नेपाल सुनचाँदी व्यवसायी महासंघका अनुसार शुक्रबार छापावाल सुन प्रतितोला २ लाख ३५ हजार रुपैयाँ कायम गरिएको छ, जुन अघिल्लो दिनको मूल्यभन्दा ४ हजार २ सय रुपैयाँले कम हो। बिहीबार सुनको मूल्य २ लाख ३९ हजार २ सय रुपैयाँ थियो।
सुनको मूल्य घटेको भए पनि चाँदी भने महँगिएको छ। बिहीबार प्रतितोला ३ हजार २५ रुपैयाँ रहेको चाँदीको मूल्य शुक्रबार बढेर ३ हजार ८५ रुपैयाँ पुगेको छ। यो हालसम्मकै सबैभन्दा उच्च मूल्य हो।
महासंघका अनुसार अन्तर्राष्ट्रिय बजारमा देखिएको उतारचढाव र मुद्रा विनिमय दरमा आएको परिवर्तनको प्रभावले नेपाली बजारमा सुनचाँदीको मूल्य हेरफेर भएको हो।