ई-आर्थिक, काठमाडौं । नबिल बैंकको कायम मुकायम प्रमुख कार्यकारी अधिकृत (कामु सीईओ)को जिम्मेवारी मनोज ज्ञवालीले पाएका छन् । बैंकका सीईओ ज्ञानेन्द्र ढुुंगानाले राजिनामा दिएसँगै ज्ञवाली कामु सीईओ बनेका हुन् । हाल उनी बैंकमा बरिष्ठ नायब प्रमुख कार्यकारी अधिकृत रहेका थिए ।
ढुंगानाले १० गतेदेखि लागू हुने गरी राजीनामा दिएका थिए । आज बसेको बैंक सञ्चालक समितिको बैठकले उनको राजीनामा स्वीकृत गरेको छ ।
ज्ञवाली गएको पुस १५ मा सिनियर डीसीइओमा बढुवा भएका थिए । बढुवाअघि उनी बैंकको डीसीइओ थिए भने त्यसअघि महाप्रबन्धकको रुपमा कार्यरत थिए।