ई- आर्थिक, काठमाडौं । प्रभु बैंकले बाढीपीडितका लागि एक करोड करोड दिएको छ । प्रभु समूहको प्रभु महालक्ष्मी लाइफ इन्स्योरेन्सको सरकारलाई २५ लाख सहयोग दिएको हो ।
प्रभु समुहका अध्यक्ष देवी प्रकाश भट्टचनले प्रधानमन्त्री दैवी प्रकोप उद्धार कोषमा जम्मा हुने गरी प्रधानमन्त्री के.पीे. शर्मा ओलीलाई १ करोड ७५ लाखको चेक हस्तान्तरण गरेका छन् । जसमा प्रभु इन्स्योरेन्सका अध्यक्ष राजेन्द्र मल्लबाट २५ लाख, प्रभु महालक्ष्मी लाइफ इन्स्योरेन्सका अध्यक्ष शिक्षा भट्टचनबाट २५ लाख र प्रभु क्यापिटलका अध्यक्ष एलपी भानु शर्माबाट २५ लाखसहित १ करोड ७५ लाख रुपैयाँको चेक प्रधानमन्त्री ओलीलाई हस्तान्तरण गरेका हुन् ।
सरकारलाई पिडीतहरुको खोजतलास, उद्धार र राहतकार्यमा सहयोग पुगोस् भन्ने उद्देश्यले प्रभु समुह अन्र्तगतका प्रभु बैंक लिमिटेड, प्रभु महालक्ष्मी लाईफ इन्स्योसुरेन्स लिमिटेड, प्रभु क्यापिटल लिमिटेड र प्रभु इन्स्योरेन्स लिमिटेडका तर्फबाट सहयोग गरेको भट्टचनले बताए ।
असोज दोस्रो साता देशका विभिन्न भू-भागमा परेको अविरल वर्षाका कारण बाढीपहिरो तथा डुबानबाट उत्पन्न विनाशकारी विपदले राष्ट्रलाई ठूलो जनधनको क्षति पुर्याए पछि उक्त सहयोग गरेको हो ।