ई–आर्थिक, नवलपरासी : पूर्वी नवलपरासीको दाउन्नेमा भएको बस दुर्घटनाका घाइतेमध्ये ३ जनाको मृत्यु भएको छ । शनिवार भएको बस दुर्घटनाका उक्त घाईतेको उपचारका क्रममा मृत्यु भएको हो ।
मृत्यु हुनेमा इलाम घर भएकी अन्दाजी २५ वर्षकी धनु दर्लामी, मकवानपुरका बकैया–५ घर भई हाल विनयी त्रिवेणी–२ दाउन्ने स्थित गुम्बामा बस्ने अन्दाजी ५७ वर्षकी ज्यामो हिसे छमो ग्याल्मो र भरतपुर महानगरपालिका–२५ बस्ने वर्ष ७२ का हिमलाल न्यौपाने रहेका छन् ।
३१ जना घाइतेमध्ये दुई जनाको चितवनस्थित पुरानो मेडिकल कलेज र एक जनाको मध्यविन्दु जिल्ला अस्पताल नवलपुरमा उपचारका क्रममा निधन भएको हो । अन्य २८ जनाको अवस्था चिन्तामुक्त रहेको जिल्ला प्रहरी कार्यालय पूर्वी नवलपरासीले जनाएको छ ।
पूर्वपश्चिम राजमार्गमा पश्विमबाट पूर्वतर्फ आउँदै गरेको ना५ख ७००० नम्बरको बस अनियन्त्रित भई भिरबाट खसेर दुर्घटनाग्रस्त भएको थियो ।