प्रधानमन्त्री दैवी प्रकोप उद्धार कोषमा एउटै व्यक्तिले दिइन एक करोड नौ लाख रुपियाँ आर्थिक सहयोग

व्यक्तिले दिइएको सहयोगमा संभवतः हालसम्मकै सबैभन्दा ठूलो सहयोग हो

काठमाडौँ । प्रधानमन्त्री दैवी प्रकोप उद्धार कोषमा राजी राणाले एक करोड नौ लाख रुपियाँ आर्थिक सहयोग गर्नुभएको छ ।

यो रकम राहत कोषमा व्यक्तिगततर्फबाट उपलब्ध गराइएको ठूलो सहयोग हो ।

व्यावसायिक पृष्ठभूमिकी ८७ वर्षीया राणाले सहयोगी कृष्ण बस्नेतमार्फत पठाउनुभएको रकमको चेक आज अर्थमन्त्री डा. स्वर्णिम वाग्लेले मन्त्रालयमा बुझ्नुभयो । सो क्रममा राणाको कार्यालयमा काम गर्ने कर्मचारीहरूले आफ्नै तर्फबाट ८० हजार रुपियाँ सहयोग पनि अर्थमन्त्रीलाई हस्तान्तरण गर्नुभयो ।

राणाले थप २५ लाख रुपियाँ बराबरको जिन्सी र खाद्यान्न सहयोगको तयारी अवस्थामा रहेको जानकारी दिनुभयो ।