ई–आर्थिक, काठमाडौं । प्रहरी हिरासतमा रहेका प्रभु बैंकका प्रमुख कार्यकारी अधिकृत (सीईओ) अशोक शेरचन अस्पताल भर्ना भएका छन्। नेपाल प्रहरीको केन्द्रीय अनुसन्धान ब्युरो (सिआइबी) का अनुसार उनलाई बुधबार चिरायु अस्पतालमा भर्ना गरिएको हो।
सिआइबीले जनाएको छ कि सीईओ शेरचनले स्वास्थ्यमा समस्या भएको गुनासो गरेपछि उपचारका लागि अस्पताल लगिएको हो। हाल उनी चिकित्सकीय निगरानीमा रहेको ब्युरोले जनाएको छ।
प्रहरीका अनुसार शेरचनको स्वास्थ्य अवस्थाबारे थप विवरण आवश्यकताअनुसार सार्वजनिक गरिनेछ।