काठमाडौं । नेपाली बजारमा आइतबार सुनको मूल्यमा हल्का वृद्धि देखिएको छ भने चाँदीको मूल्यमा गिरावट आएको छ।
नेपाल सुनचाँदी व्यवसायी महासंघका अनुसार आइतबार सुनको मूल्य तोलामा दुई सय रुपैयाँले बढेर २ लाख ३८ हजार ६ सय रुपैयाँ पुगेको छ। गत शुक्रबार यसै सुनको मूल्य २ लाख ३८ हजार चार सय रुपैयाँ थियो।
यससँगै चाँदीको मूल्य भने आइतबार घटेको छ। गत शुक्रबार ३ हजार २० रुपैयाँ मा कारोबार भएको चाँदी आइतबार ३ हजार १५ रुपैयाँ मा झरेको महासंघले जनाएको छ।
हालको दरअनुसार सुनको मूल्यमा सानो उकाली देखिए पनि चाँदीमा ओरालो लाग्दा बजारमा मिश्र प्रतिक्रिया देखिएको छ।